«Кабартма» әкияте.

«Кабартма» әкияте.

Автор: учитель высшей квалификационной категории

Богапова Зухра Фаризановна

гимназии № 4

Кировского района г. Казани.

Катнашалар: автор, бабай, әби, куян, кабартма, бүре, аю, төлке.

Автор:

       Яшәгән ди бабай белән әби.Менә бабай әбигә әйтә:

Бабай:

-И-и, карчыгым! Бик ашыйсым килә. Ясап бирче миңа кабартма.

Автор:

        Менә карчыгы, онны иләп, камыр баса. Камыр әзер булгач, кабартма ясый да тәрәзә төбенә киптерергә куя.

        Кабартма кипкәч тәрәзәдән сикереп төшә дә йөгереп китә. Йөгерә-йөгерә, урманга җитә. Урманга керсә, аңа Куян очрый.

Куян:

-Сандугачлар ияләшкән

Су эчәргә миләштән.

Сагнуларым бетәр әле

Сине күреп сөйләшсәм.

Кабартма:

-Уф, Куян,Куян, Куян,

Ашамачы син мине.

Мин бит ямьсез, мин бит тәмсез,

Мәле тот син кишерне.

Автор:

Кабартма Куяннан качып китә. Бара-бара бүрегә очрый.

Бүре:

-Оныт мәшәкатьләренңе,

Оныт инде беразга.

Сыйпап-сыйпап чәчләремне,

Бер иркәлә, бер назла.

  Утыр әле яннарыма,

  Ял булсын җаннарыма.

Кабартма:

-Син алдакчы, соры Бүре,

Беләм синең ниятен.

Ашыгам мин, юлдан кит син,

Очрашырбыздыр әле.

Автор:

Бүредән дә качып китә. Бара-бара Аюга очрый.

Аю:

-Мин сине шундый сагындым,

Сизәсең микән шуны?

Айны болытлар капласа,

Табарсын микән юлны?

Кабартма:

-Мин дә сине сагындым, Аю,

Тик беләсеңме шуны:

Яшәсем килә минем,

Сау бул, хуш, пока, киттем!

Автор:

Аюдан да качып китә. Бара-бара Төлкегә очрый.

Төлке:

-Ай, кем килә! Исәнме, Кабартма. Син нинди матур,нинди тәмле! Күп йөреп аргансындыр. Минем алдыма утырып бераз ял ит. Ә мин сиңа җыр җырлыйм:

  Әлли-бәлли итәр бу,

  Авызыма китәр бу,

  Йокла тизрәк, кабартма,

  Йом-йом күзен, уянма.

Кабартма уянып:

-Аһ,син алдакчы, Төлке!

Мин әбидән дә киттем,

Мин бабайдан да киттем,

Мин куяннан да киттем,

Мин бүредән дә киттем,

Мин аюдан да киттем,

Синнән китәм дә китәм,-дигән дә качып киткән.

Төлке:

-Эх, булмады!